1-diru gutiago xahutu bainan hobeki : Lurralde Elkargoak ez du erakartzen ahal kostu gehiago estrukturen finanzamenduetan. Frantziak, oro har, egoera larria dauka, beren estruktueri begira. Merkatal Ganberan hautetsi bat izaiteaz gain, ikusmolde garbi eta finko bat dauka arazo hortan : estrukturen kostuak tipitu ber efikazatasuna atxikiz, bixtan da…Lurralde Elkargo berriak, sor litaike, partikatuz (gutti gora behera erdiz) orain Departamenduak daukan urteko diru beharra. Eta, nola beren lurraldeari atxikia izanen den hurbilagotik, diru ateratzeak hobekiago eta xuhurrago segurtatuz.

2-Erabakitzeko epeak laburrago : Ekonomi munduan, adibidez enpresa batek toki bat aurki dezan, nola eskumen orokorra (ekonomia) esku anitzetan zabaldua den : Eskualdean (Akitanian), Herri Elkargoetan (adibidez communautés de communes) eta Departamenduan (64) delegazione baten bidez, bai baimena ukaiteko, eta, bixtan da, araberako dirua lortzeko, zenbat energia eta zenbat denbora galtzen…Lurralde Elkargo batek zentraliza lezake eta koherentzi bat sar lezake

3-Koherentzia gehiago Iparralek lor dezan : Gure Iparraldeko lurralde hau zatitua da podere ainitzetan herri elkargoen medioz : Kostaldean bi maxi herri elkargo dira : Baionakoa (Acba) eta « hego » euskal herri (Hendaia Donibane eta beste). Bi maxi herri elkargo horiek indarstuegi dira barneko herri elkargoekin konparatuz eta beren politika ez du azpimarratzen Euskal Herriaren garapen orekatu baten beharra, ez baitira hortako eginak. Lurralde Elkargo berri batek egiazko estrategia zutik ezarriko luke, adibidez : kostalde eta barnekalde lokarria eta garapena, lurra funtzioaren orekatzea (laborari, lantegi, biziteko tokien beharrak arbitratuz…) etabar….

4-Lurralde Elkargoaren hautetsiak zuzenki hautatuak : Hori ere pundu garrantzitsu bat da, Iparraldekoek ukan dezaten podere gehiago herri politika kudearazteko eta hunen ondorioen onhatzeko. Politikarekin lokarria azkartuko litaike denen ontean